ما موقفك من هذا الشخص؟؟؟

[جوهرة العزة]

السلام عليكم ورحمة الله وبركاته


وبعد //


بما أننا بشر يحتاج بعضنا إلى بعض فيما نقدر عليه ,
ولا ننسى أن الله في عون العبد ما كان العبد في عون أخيه ,
تمر بنا أحياناً أمور أو نقع في مأزق ونعرف من البشر من جعل الله في يديه معونتنا ,
ونبادر لمكالمته أو الذهاب إليه ونطلب منه هذا المعروف دون أن يكون
تعلقنا به ولكن فيما يقدر عليه فيصنع ذلك المعروف الذي ما نفتأ ندعو له كلما ذكرناه ,
ولكننا نصطدم في يوم من الأيام بتمننه علينا
ولا يزال بمنته قائماً على رؤوسنا ونحن كالعبيد ,,,,,,,,,
أنا من فعل ذلك ........
لو لاي ما حصل كذا ........
ولو لاي ما نلتم كذا , أو ما تخلصتم من كذا .....
حتى نصغر في نظر أنفسنا فنصبح كالذباب

والسؤال وهو للنقاش


شخص صنع إليك معروفاً وأنت بحاااااجة إليه ثم تمنن عليك
به فما يكون موقفك ؟؟!!

وكيف تستفيد من هذا الموقف ؟؟؟؟

[losa]

الصرااااااااااحه ... اذا تمنن مااعتقد بحتاج لمساعدته مرة ثانيه واكون اكثر وعيي عشان اعرف منو اختار اذا احتجت للمساعده... يسلموو عالموضوع :)

[مساعد]

السلام عليكم

انا حصل وياي مثل الموقف هذا وكانت الشغله اللي مسويها لي بسيطه وبعد فتره تمنن علي

واللي يذكر فضله على الناس مافيه خير

وانا قلت مسويله شغله قديمه وماذكرتها وسكت عنه وخليتها على الله

شكرا على الموضوع

[nasser_q]

انا اوافق كلام اخوي مساعد

ومشكووره عاى الموضوع

[حلوة و لعوب]

اولاا يسلموو غلاتي علي الموضوع الحلوة ......

ثانياا: والله وبكل صراحة تصير المواقف هذي دايم بس الغلط السكوت عنهاا يعني

بمعني اذا احتجت منه خدمه وقدمهاا لي فهو مشكور ويعطيه العافيه اما كل ما شافني يذكرني ويتمنن علي لا اهني اوقفه عند حدة وقطهاا بوجه مثل ما قطهاا بوجهي ياا اخي ترى ذليتنا طلعت من عيناا
وواجه واحرج مثل ماحرجني وان الدنياا مو واقفه عليك انت ساعدتني وخلصت السالف وشكرناك اما كل شو يتتمن ترى طلعت من جبدي ومرد الايام بتخليك تحتاج لي ....
وعيب هل اسلوب ...
ادري انفعلت بردي بس الي ما يستحي منك لا تستحي منه
واذا حشمته مرة وعشر ماني بحاشمته اكثر
لان بكل صراحة بالزمن هذا مو كفوا تحشم الي ما يحشمك

ويسلمووو خيتووو ع موضوع لاهنتي ...

[alazmi]

مشكورة علي الموضوع

أكيد رااح أخذ منه موقف وأعرف انه شخص

ضعيف ولا يصلح ان تكون صااحب له

واللى يسوي خير ويمن عل النااس هااذه شخص لا يستحق المعااشره

ويقول المثل سوي خير وقطه بحرر


ويسلمو و و و و

[صدى الشوق]

شخص صنع إليك معروفاً وأنت بحاااااجة إليه ثم تمنن عليك
به فما يكون موقفك ؟؟!!
والله اقوله مشكور ماقصرت بس التمنن شين وترا الايام قدام ويمكن في يوم تحتاجين
فالشخص اللي يكسب الصداقه هو الناجح بحياته وبالهطريقه راح تخسر اعز اصدقائك وباليوم اللي تحتاج احد ماراح تلقى احد يلتفت لك

ومشكوره على النقاش الرائع

[جوهرة العزة]

يعطيكم العافيه اخواي واخواتي على المشاركه نورتوا صفحتي


وانا بعد صارلي موقف


كنت اعرفه وحده من 10 سنين وكانت لمن تطلب منه شي نعطيها عيونا وفي يوم من الايام طلبت منها طلب صغير وما يستاهل قامت تتعذر وحطت مليون عذر بعدين مني عرفت منة الناس صعبة وتعلمت مرة ثانيه ما اطلب شي من احد اسويه من نفسي لان عزة نفسي ما تسمحلي اكون جذي

[غاده والسهر عاده]

اختي الغاليه

00 جوهرة العزه 00



مشكووووووووووره ع طرحك الموضوع المهم والنقاش الرائع


أنا بصرااااااحه والحمد لله ماأفتكر انه عمري أحد ساعدني بشي وتمنن علي بعدها أو أنا ساعدت أحد ومنت عليه<<<<<<<< غير أخواتي بس طبعا من باب المزح هههههههههه




وان شاء الله ربي مايكتب علي أن أحتاج أحد من هذا النوع اللي يتمنن لاأنا ولاغيري


بس أنا لوحصل معايا الموقف وطلع من اللي يتمننوا

ولما يشوفني يذكرني عادي أرد عليه طبيعي حتى لو مئة مررره قالها وأقوله ايه والله تفضلت علي و مشكوووووور والله يجزاك خير

يمكن البروده بالاسلوووب معاه ينفع


وأحاول قد ماأقدر أرد له المعروف بأي طريقه


وأذا مافي شي يحتاجه أقدر أساعده فيه وأردله معروفه


وبرضوا يتمنن احاول أصبر وأحتسب الاجر عند الله



وأنا بنظري دي الاشخاص مررريضه ولايعرفوا معناة صداقه طبعا الواحد يكون مغشوش فيهم يحسبه صديق وهو كلمت انسان قليله فيه




وكيف تستفيد من هذا الموقف ؟؟؟؟

أول حاجه أبيت النية ودا أهم شي بأن ما ألجأ له مرة ثانيه

وطبعا ((لا يلدغ المؤمن من جحر مرتين...))

[جوهرة العزة]

بسم الله الرحمن الرحيم
تسلمين حبيبتي غاده على رايج المتميز

نورتي صفحتي
والصراحه كلامج كله صح
يعطيج العافيه ما قصرتي يا الغاليه



اختج في الله
جوهرة العزة

[دوووم رايقه]

انا عندي افضل رد عدم الرد