يامل قبلن يسج فيه دولاجه

[ابو نورة العازمي]

يـامـل قـلـبٍ يـســجّ وفـيــه دولاجـــه
مـن هاجـسٍ بالضمايـرقـام يدرجـهـا
في معزل عن جميع الخلق وازعاجه
ما اسمع من الناس لوتكثر لجالجهـا
ماغير أهوجس تقـول مضيِّـعٍ حاجـه
آخـذ واسنّـد علـى روحـي واهرّجـهـا
وأدوج لـوكـان مــا رجـلـي بـدوّاجــه
أدلّـــه الـنـفــس لــيــن الله يـفـرجـهـا
يالله ياللـي بيـدك الضـيـق وافـراجـه
ياخالـق الخـلـق ياقـاضـي حوايجـهـا
تفـرج لعيـنٍ إلــى أغـفـت بسوهـاجـه
تجهز عليها الطواري ليـن تزعجهـا
بالصدر ضيقه ونـوم العيـن هملاجـه
عينـي مـن العـام والسهـر متولّجـهـا
نـوبٍ سهرهـا شديـد ونــوب نهـاجـه
مــرٍّ تـكـن الـدمـوع ومـــرّ تزعـجـهـا
علـيـك يالـلـي بقلـبـي كـــن وهـاجــه
وهـاج نـارٍ هـوى الغربـي يسارجهـا
أبــو ثـمــان تـشــاد الـلـولـو لـعـاجـه
كن البـرد يـوم يضحـك فـي مفالجهـا
ياروح روحي وجرح القلب واعلاجه
الطـف بحـالٍ علـيـك الـهـمّ ساهجـهـا
قلبي يناجيـك باسلـوب الهـوى ناجـه
يشكـي لـك الحـال داخلهـا وخارجهـا
امـا التفـت لـه وتِـمّ الوصـل بمواجـه
والا بـــلا عـشــرةٍ هـــذي نتـايـجـهـا
وش ينفعك من حنين القلب وخلاجـه
وجـروحٍ أسبابهـا أنـت ولا تعالجـهـا





تقبلوا تحياتي

[اميره الاحساس]

°ˆ~*¤®§(*§*)§®¤*~ˆ°تسلم اخوي علىى الشعر°ˆ~*¤®§(*§*)§®¤*~ˆ°